Выбраныя даты:

1949

Нарадзіўся ў Магілёве.

1984

Стаў членам Саюза мастакоў Беларусі.

Работы знаходзяцца ў фондах Нацыянальнага мастацкага музея Беларусі, ДМГ, ГРМ, прыватных калекцыях па ўсім свеце.

16 сакавіка 2016

Памёр у Менску.

-

З успамінаў Аляксея Марачкіна пра майстра:

"Маючы творчую майстэрню ў Мінску на Нямізе, больш часу праводзіў у маці, у драўлянай даваеннай хаце. За некалькі метраў ад дома была трухлявая гаспадарчая пабудова — застаронак. Без вокнаў.

Алег адмыкаў стары іржавы замак, расчыняў абедзве дзверы гумна і дзённае святло асляпляла прамянямі ўсе схаваныя ў гэтым хляве багацця. А там стаяў мальберт, які трывала падтрымліваў няскончанае палатно мастака. «Гэта мая вясковая майстэрня. З лета і да глыбокай восені, да маразоў я тут прывязаны да гэтага мальберта, да маіх палотнаў"."

"Яго сціпласць была бязмежная… Ніхто не можа ўспомніць, каб ён калі-небудзь узышоў на трыбуну і павучаў сваіх калегаў. А калі ён выкладаў у Акадэміі мастацтваў, на перапынках за ім гуськом ішла моладзь. Для яе ён быў бясспрэчным аўтарытэтам. А яго аўтарытэтамі. былі такія мастакі, як Альгерд Малішэўскі, Іван Карасёў, з ранейшых беларускіх класікаў — Міхась Філіповіч, Міхась Станюта і Раман Семашкевіч."

"У самога ў кішэні заўсёды быў невялікі нататнік для замалёвак. "Працую кожную хвіліну. Ёсць задума напісаць буйнафарматнае палатно "Купалле". А яшчэ ў Палацы мастацтваў паказаць свае малюнкі. Іх у мяне незлічонае мноства"."