Выбраныя даты:

23 верасня 1905

Нарадзіўся ў мястэчку Чашнікі Лепельскага павета (Віцебская губерня, Расійская Імперыя, зараз - горад у Віцебскай вобласці, Рэспубліка Беларусь) у яўрэйскай сям'і.

1916

Пераехаў у Віцебск, вучыўся ў працоўнай школе.

З 1920

Займаўся ў віцебскім Народным мастацкім вучылішчы, якое было арганізавана ў 1918 годзе ўпаўнаважаным Калегіі па справах мастацтваў у Віцебскай губерні мастаком Маркам Шагалам.

1925-1928

Пераехаў у Маскву, дзе працягнуў сваё навучанне ва ВХУТЭМАсе - ВХУТЕИНе.

1928-1930

З'яўляўся членам і экспанентам маскоўскага маладзёжнага таварыства мастакоў "Рост", якое было заснавана выпускнікамі і старшакурснікамі ВХУТЭІНА. Таварыства правяло дзве выставы: вясной 1928 і вясной 1929 гадоў.

З 1930

Жыў у Ленінградзе; уваходзіў у аб'яднанне ленінградскіх мастакоў "Кола мастакоў" (існавала ў 1926–1932 гадах), якія ставілі на мэце павышэнне прафесійнага майстэрства на аснове засваення традыцый сусветнага мастацтва і фармальнага эксперыментавання.

1932

Увайшоў у Ленінградскае аддзяленне Саюза савецкіх мастакоў (ЛОССГ).

У час Вялікай Айчыннай вайны служыў у 3-м асобным стралковым батальёне пры Упраўленні контрразведкі "СМЕРШ" Ленінградскага фронту. Памочнік камандзіра батальёна; капітан. Быў узнагароджаны ордэнам Чырвонай Зоркі, медалямі "За абарону Ленінграда", "За перамогу над Германіяй у Вялікай Айчыннай вайне 1941–1945 гг.".

У пасляваенны перыяд Рувім Фрумак працягнуў актыўна працаваць і выстаўляцца.

30 красавіка 1978

Мастак памёр, пахаваны на Праабражэнскіх яўрэйскіх могілках у Санкт-Пецярбургу.