З апісання працы на выставе "ODKSZTAŁCENIE / ДЭФАРМАЦЫЯ / UNLEARNING":

Інсталяцыя стала вынікам назірання мастачкі за тым, як вялікія помнікі (напрыклад, помнік Якубу Коласу ў Мінску), якія павінны дамінаваць у гарадской прасторы вялікіх гарадоў, губляюцца ў шэрасці вуліц і зліваюцца з гарадскім пейзажам. У сваёй працы Ала Савашэвіч спрабуе прапрацаваць вопыт навучання метадам акадэмізму, распаўсюджаным у беларускіх мастацкіх навучальных установах, які не дазваляе студэнтам выйсці за пэўныя рамкі. Створаная ў студэнцкія часы праца паклала пачатак новаму творчаму прыёму мастачкі па стварэнні прасторавых форм з дапамогай лямцу.