Саўнд-арт - форма сучаснага мастацтва, у якім гук выступае ў ролі мастацкага сродку. Таксама можна вызначыць як слыхавы досвед. Кірунак дазволіў пашырыць дыяпазон мастацкіх магчымасцяў і вывучыць новыя метады прадстаўлення ідэі. Асновай для развіцця стылю стала эксперыментальная музыка.

Сам па сабе гук мае моцны ўплыў, ён здольны вызначаць ці даследаваць прастору, адраджаць асацыяцыі. Гукавое мастацтва характарызуецца як міждысцыплінарнае, а значыць можа суправаджацца ці прадстаўляцца ў любой форме: гукавая скульптура, гукавая паэзія, адбывацца адначасова з візуальнымі элементамі, набываць перфарматыўныя якасці, быць музычным DIY-інструментам (музычнай скульптурай) і іншае. Усё, што стварае гук (сама цішыня, прыродныя ўмовы, вусная паэзія) можа з'яўляцца часткай твора.

Кульмінацыя станаўлення аўдыё-арта дасягнула ў канцы шасцідзесятых, калі мастак Макс Нэйгаўз стварыў гукавыя працы, якія даследуюць гукавыя магчымасці фізічных месцаў. У тым ліку яго працы ўключалі ў сябе гукі, якія рэагуюць на сонца. Але а са з'яўленнем лічбавых тэхналогій адбыўся шэраг змен, дадатна якія паўплывалі на развіццё саўнд-арта. Прадстаўніцы найновага мастацтва маюць магчымасць стварэння візуальнай рэакцыі на гук або дазваляць публіцы кантраляваць свой твор мастацтва. Некаторыя мастакі даследуюць гук у чыстым выглядзе, адначасова пераадольваючы і сціраючы бар'еры паміж гукам, шумам і музыкай. Іншыя даследуюць палітычныя і культурныя наступствы пэўных гукаў.

Беларускі саўнд-арт мастак і музыкант Антон Сарокін (псеўданімы: 40sorok і lostcut) у сваіх мультымедыйных і лічбавых праектах працуе з тэмамі асабістай і калектыўнай памяці, узаемасувязі музыкі і сацыяльнай сферы, палітычнага вымярэння гуку і цішыні, ставіць пад сумнеў факты створаныя СМІ. Мастак выкарыстоўвае знойдзеныя артэфакты, матэрыялы з асабістых архіваў, гукі поп-культуры і мемы для сваёй працы. Займаецца музычным суправаджэннем для кіно, тэатра, перформансаў.

З'яўленне саўнд-арта несумненна рассунула межы сучаснага візуальнага мастацтва, а кірунак стаў незалежнай формай. Гукавое мастацтва напрамую звязана з тэхналогіямі, што сведчыць аб далейшым развіцці і перайначванне напрамкі.

З гукам у беларускім мастацтве працуюць: гурт eeefff, Жанна Гладка, Алеся Жыткевіч, Вольга Сасноўская, Антон Сарокін, Глеб Шутаў.

творы

імёны

тэрміны