Размешчаны ў цэнтры Віцебска ў рэканструяваным асабняку. Вядомы ў горадзе пад назвай "Музычная гасцёўня", паколькі на працягу многіх гадоў тут выступалі музыканты розных жанраў.

Цяпер візітоўкай выставачнай залы з'яўляюцца камерныя экспазіцыі: жывапіс, графіка, фатаграфія. Традыцыйна эмацыйнае ўспрыманне экспазіцыі дапаўняе музычнае суправаджэнне.

Камерная выставачная зала прызначана для зменных выставак сучасных авторо_к. Праводзяцца таксама навуковыя канферэнцыі, кінапаказы, сустрэчы, майстар-класы і ўрокі музейнай педагогікі. Працуе найстарэйшы ў Беларусі Віцебскі народны кінаклуб "Дыялог" пад кіраўніцтвам Сяргея Матылёнка. Па традыцыі з'яўляецца рэпетыцыйнай пляцоўкай Віцебскага маладзёжнага хору пад кіраўніцтвам Аляксандра Рауза.