Гурт быў створаны як адлюстраванне неафіцыйнай і таму непадцэнзурнай вытворчасці і распаўсюджвання літаратурных і друкаваных твораў, што з'явілася падчас пратэстаў у Беларусі і працягваюцца дагэтуль. Такія выданні, таксама вядомыя як газеты суседства, ствараюцца праз народныя ініцыятывы і распаўсюджваюцца праз лічбавыя платформы і вулічныя прасторы. Кожны можа спампаваць нумары з Telegram-каналаў, раздрукаваць іх дамы і пакласці ў паштовыя скрыні, кафэ ці іншыя грамадскія месцы. Газеты пратэстных раёнаў ствараюць агульныя салідарнасныя структуры, якія распаўсюджваюць неабходную палітычную інфармацыю, улічваючы тое, што большая частка незалежных СМІ ў Беларусі была закрытая і прызнаная "экстрэмісцкімі".
Выкарыстоўваючы палітычную фантазію, Музей камянёў дае магчымасці для таго, каб больш галасоў было пачута, ствараючы альтэрнатыўныя або дадатковыя разгалінаванне ў існуючай інфраструктуры газет суседства. Выпускі газет прысвечаны магчымасцям арганізацыі механізмаў клопату ў канкрэтным раёне, з інтэрв'ю з анархістамі, прадстаўнікамі ЛГБТQ+ суполкі і мілітантамі.
Для выстаў калектыў рэдакцыі Музея камянёў стварыў асяроддзе для чытання і падпольнае друкарскае аддзяленне, дзе кожны можа не толькі прачытаць усе нумары газеты, але і зрабіць копіі апошняга выпуску, прысвечанага поўнамаштабнаму ўварванню Расіі ва Украіну, каб прадоўжыць сетку распаўсюджвання ў жылых будынках і грамадскіх месцах.
Назва "Музей камянёў" запазычана ў музея з такой жа назвай у Мінску, дзе сабраны камяні з усёй краіны. Гэты музей быў ініцыяваны ў 1985 годзе Інстытутам геахіміі і геафізікі. Сімвалічна, што сёння гэты музей знаходзіцца паміж высокатэхналагічным паркам, буйнымі савецкімі жылымі раёнамі і Мінскай кальцавой шашы (МКАД), раскрываючы руіны інфраструктуры.