Выбраныя даты:

29 верасня 1958

Нарадзіўся ў Койданаве (БССР, сёння Дзяржынск, Рэспубліка Беларусь) у сям'і вядомага пісьменніка, празаіка, драматурга, перакладчыка і рэдактара Вячаслава Адамчыка (1933–2001).

З 1959

Жыве ў Менску.

Да 1973

Вучыўся ў мінскай дзіцячай мастацкай студыі пры Доме піянераў і школьнікаў у Сяргея Каткова

1973–1977

Вучыўся на педагагічным аддзяленні Мінскага мастацкага вучылішча імя Аляксея Глебава ў Юрыя Выхадцава, Альгерда Малішэўскага, Леаніда Дубара, Трафіма Ігнаценку.

З 1976

Удзельнік выставак.

1982

Арганізатар падпольных выставак-аўкцыёнаў у Акадэміі мастацтваў.

1977-1983

Вучыўся на аддзяленні манументальна-дэкаратыўнага мастацтва Беларускага дзяржаўнага тэатральна-мастацкага інстытута (дыплом — эскіз вітража "Дзева Марыя" ў музеі манументальнага мастацтва ў памяшканні былога касцёла Успення Дзевы Марыі) у Анатоля Бараноўскага, Віктара Нямцова, Генадзя Жарына, Уладзіміра Алега Хадыкі.

1985

Арганізатар выставы "1+1+1+1+1+1=6" у Доме літаратараў. Выстава была забаронена.

1986-1990

Адзін з заснавальнікаў і ўдзельнік Супольнасці маладых літаратараў "Тутэйшыя".

З 1989

Член Саюза пісьменнікаў Беларусі, але па сведчанні мастацтвазнаўкі Вольгі Архіпавай "ён ніколі не быў прыняты ў Беларускі саюз мастакоў за шчырыя выказванні аб мастаках і іх жыцці".

2012

Атрымаў прэмію Ежы Гедройца за кнігу "Сказы".