Выбраныя даты:

20 красавіка 1881

Нарадзіўся ў горадзе Ялец Арлоўскай губерні (цяпер Ліпецкая вобласць Расійскай Федэрацыі), у сям'і рускіх мастакоў. З самага дзяцінства ён рос сярод карцін і мастакоў, альбом не пакідаў яго рук, у ім былі накіды, копіі.

1901-1907

Вучыўся ў Пензенскім мастацкім вучылішчы.

1907-1915

Працягнуў сваю адукацыю ў Пецярбургскай Акадэміі мастацтваў.

1911 –1920

Быў удзельнікам розных мастацкіх калектываў: "Таварыства незалежных", камітэта мастацка-артыстычнай асацыяцыі, "Абшчыны мастакоў".

1919

Пераехаў у Беларусь .

1919–1929

Выкладаў у Народнай мастацкай школе горада Вяліжа (цяпер горад Вяліж Смаленскай вобласці ў Расіі), затым - у Віцебскім мастацкім тэхнікуме. З гэтага часу ўсё жыццё Волкава было звязана з Беларуссю.

1925

На Першую Рэспубліканскую выставу ў Маскве прапанаваў шэраг партрэтаў, пейзажаў, тэатральных эскізаў, тэматычных кампазіцый, напісаныя мастаком у Беларусі.

1926

Прыняў удзел у конкурсе стварэння беларускага герба і перамог у ім. Афармляў вакзал на станцыі Негарэлае, шматфігурны фрыз "Кастрычнік у Беларусі" ў павільёне БССР на Усесаюзнай сельскагаспадарчай выставе ў Маскве.

1940

Стаў удзельнікам Саюза савецкіх мастакоў БССР .

1947-1957

Працягваў сваю педагагічную дзейнасць у Мінскім мастацкім вучылішчы, пазней у ступені прафесара - у Беларускім тэатральна-мастацкім інстытуце (цяпер Беларуская дзяржаўная акадэмія мастацтваў), дзе ўзначальваў кафедру акадэмічнага малюнка .

1955

Атрымаў званне народнага мастака БССР , узнагароджаны ордэнам "Знак Пашаны" і медалямі.

8 снежня 1964

Памёр у Менску.