Культурная інстытуцыя Федэратыўнай Рэспублікі Германія, філіялы якой працуюць у многіх краінах свету. Яе дзейнасць накіравана на садзейнічанне вывучэнню нямецкай мовы і паглыбленню нямецка-беларускага супрацоўніцтва ў культурнай сферы.Разам з курсамі нямецкай мовы, Інстытут імя Гётэ ў Беларусі арганізуе вялікую колькасць культурных мерапрыемстваў: даклады, чыткі, паказы фільмаў, фотавыставы і выставы мастацкіх твораў, канцэрты. Галоўным напрамкам з'яўляецца арганізацыя сустрэч паміж беларускімі і нямецкімі дзеячкамі мастацтва.Бібліятэка Інстытута спрыяе распаўсюджванню інфармацыі аб культурным, грамадскім і палітычным жыцці ў Германіі.