Музей у Віцебску, прысвечаны жыццю і творчасці Марка Шагала. У склад музея ўваходзяць два будынкі: Дом-музей Марка Шагала і Арт-цэнтр Марка Шагала.

Дом-музей Марка Шагала быў адкрыты ў 1997 годзе. У яго экспазіцыі сабраны прадметы побыту рубяжа 19/20 стагоддзяў, а таксама архіўныя дакументы і першыя работы, асабістыя рэчы мастака і яго сям'і.

Арт-цэнтр Марка Шагала (вул. Савецкая 25) быў створаны ў 1992 годзе. Тут праводзяцца выставы графічных работ Марка Шагала (літаграфіі, ксілаграфіі, афорты, акватынты). У калекцыі музея ёсць: серыя ілюстрацый да паэмы М. В. Гогаля "Мёртвыя душы" (1923—1925), серыі каляровых літаграфій на тэму "Біблія" створаных у 1956 і 1960 гг., цыкл каляровых літаграфій "12 каленаў Ізраіля") і іншыя працы Марка Шагала. Тут таксама захоўваецца збор друкаванай графікі выдатных прадстаўнікоў еўрапейскага авангарду. У цэнтры праходзяць навуковыя канферэнцыі, вернісажы, лекцыі, канцэрты, выступленні тэатральных і цыркавых калектываў, пленэры, а таксама выставы графічных работ мастакоў-пачаткоўцаў горада. У будынку Арт-цэнтра таксама знаходзіцца навуковая бібліятэка, дзе можна знайсці кнігі пра жыццё і творчасць Марка Шагала (адкрыта ў 2002 годзе).

Дырэктар І. С. Воранава.