Выбраныя даты:

23 сакавіка 1896

Нарадзіўся ў Петрыкаве (Мінская губерня, Расійская Імперыя, цяпер горад Гомельскай вобласці, Рэспубліка Беларусь) у сям'і служачага, неўзабаве пераехаў з бацькамі ў горад Гарадок Віцебскай губерні, дзе і правёў дзяцінства і юнацтва.

1913-1914

Атрымаў мастацкую адукацыю ў віцебскай школе-майстэрні Юдаля Пэна.

1916-1917

Вучыўся ў Адэсе ў мастацкай школе прафесара Юлія Бершадскага.

1917

Вярнуўся ў Гарадок.

1917-1923

Працаваў настаўнікам малявання ў сярэдняй школе, дэкаратарам Народнага дома імя У. І. Леніна, загадваў студыяй выяўленчага мастацтва.

1923

Пераехаў у Віцебск, дзе пачаў працаваць упраўляючым клуба "Чырвоны будаўнік". Адначасова ён працягваў навучанне ў майстэрні Юдаля Пэна да 1926 года.

З 1929

Удзельнічаў у мастацкіх выставах.

1931–1941

Выкладаў у Віцебскай мастацкай вучэльні.

1937

Скончыў курсы ўдасканалення мастакоў пры Ленінградскім інстытуце жывапісу, скульптуры і архітэктуры ў прафесара Сямёна Абугава.

З 1940

Член Саюза мастакоў БССР.

1941

Быў прызначаны дырэктарам Віцебскага мастацкага вучылішча.

1941

Прыняў удзел у сумеснай выставе работ з А. Бразерам.

1941-1945

У час Вялікай Айчыннай вайны служыў у Савецкай Арміі ў дарожна-будаўнічым батальёне. Пасля вайны Леў Лейтман прыехаў у Мінск, прыняў актыўны ўдзел у арганізацыі Мінскага мастацкага вучылішча.

1947-1958

Сумяшчаў творчую працу з працай настаўніка і загадчыка кафедры ў Мінскім мастацкім вучылішчы.

1956

Персанальная выстава ў Менску.

1966

Персанальная выстава ў Менску.

1967

Атрымаў званне Заслужанага дзеяча мастацтваў БССР.

20 верасня 1974

Мастак памёр у Менску.

2021

У Нацыянальным мастацкім музеі Рэспублікі Беларусь прайшла персанальная выстава графічных і акварэльных работ Льва Лейтмана, прысвечаная 125-годдзю з дня нараджэння мастака.