Выбраныя даты:

28 студзеня (10 лютага) 1914

Нарадзіўся на станцыі Шуміха Каменнай воласці Чэлябінскага павета Арэнбургскай губерні (цяпер горад Шуміха Курганскай вобласці, Расійская Федэрацыя).

1932

Скончыў у Кастраме прыватную мастацкую школу Мікалая Паўлавіча Шлеіна.

1938

Скончыў Ленінградскі інстытут жывапісу, скульптуры і архітэктуры (цяпер Дзяржаўны акадэмічны інстытут жывапісу, скульптуры і архітэктуры імя Рэпіна, Санкт-Пецярбург). Пазней перавёўся на тэатральна-дэкарацыйны факультэт.

1938-1951

З'яўляўся галоўным мастаком Таджыкскага акадэмічнага тэатра оперы і балета.

1951-1955

Працаваў галоўным мастаком Маскоўскага тэатра імя Маякоўскага.

1953-1955

Працаваў дарадцам у Міністэрстве культуры Румыніі і адначасова - мастаком-пастаноўшчыкам у Оперным тэатры Бухарэста.

1955-1959

Працаваў галоўным мастаком Чэлябінскага тэатра оперы і балета імя Глінкі.

1956

Уступіў у Камуністычную партыю Савецкага Саюза.

1959-1976

Працаваў галоўным мастаком Дзяржаўнага Акадэмічнага Вялікага тэатра оперы і балета БССР.

1960-1991

Выкладаў у Беларускім дзяржаўным тэатральна-мастацкім інстытуце (цяпер Беларуская дзяржаўная акадэмія мастацтваў).

1963

Было прысвоена званне Народнага мастака БССР.

28 лютага 2006

Памёр у Менску. Пахаваны на Усходніх могілках.