Выбраныя даты:

18 траўня 1961

Нарадзілася ў Мінску ў сям'і музыкантаў (БССР, сёння Рэспубліка Беларусь). З ранніх гадоў займалася музыкай, вучылася ў спецыяльнай сярэдняй музычнай школе пры Беларускай дзяржаўнай кансерваторыі.

З 1984

Пасля заканчэння кансерваторыі і магістратуры пачала працаваць у Акадэміі музыкі і Беларускай дзяржаўнай філармоніі. Гастролі і канцэрты ў краінах Еўропы і Азіі. Лаўрэатка і дыпламантка міжнародных конкурсаў.

2000-2005

Вяла клас фартэпіяна ў расійска-паўднёвакарэйскім універсітэце ў Паўднёва-Сахалінску (Расія) і ў дзяржаўным універсітэце ў Чжэньчжоў (Кітай).

2012–2016

Звяртаецца да фатаграфіі і самастойна вывучае гісторыю фатаграфіі ў свеце і ў Беларусі, а таксама сучаснае мастацтва.

2016

Скончыла курсы фатаграфіі пры Беларускім саюзе дызайнераў. Прымала ўдзел у майстар-класах і выніковых выставах пад кіраўніцтвам Мануэля Шродэра (Германія), а таксама Анастасіі Маркелавай (Расія), Марго Аўчарэнка (Расія).

З 2016

Удзельнічае ў выставах. Правяла персанальную выставу "Гарадская сюіта" ў галерэі Балтыйскай Міжнароднай акадэміі ў Рызе.

2017

Праект "Сакрэтная тэчка" быў абраны ў намінацыі Panasonic Reader's Choice Award Bird in Flight Prize для партфоліё-рэўю з Антуанам д'Агата, Сальваторэ Вітале, а таксама он-лайн партфоліё-рэўю з Rafal Milach, Karolina Gembara па запрашэнні Sputnik Photo.

Сяброўства ў Саюзе фатографаў.

2021

Персанальная выстава "Сакрэтная тэчка" ў Мемарыяльным музеі-майстэрні Заіра Азгура ў Мінску.