Выбраныя даты:

26 лістапада 1799

Нарадзіўся ў Вільні (Расійская Імперыя, зараз Вільня, Літва).

Вучыўся ў цыстэрцыянскай пачатковай школе ў Трашкунах, малюнак вывучаў у віленскай гімназіі ў Яна Дамеля.

1821

Паступіў у Віленскі ўніверсітэт, вучыўся ў Віленскай мастацкай школе пры ўніверсітэце ў Яна Рустэма.

1823

Быў арыштаваны за ўдзел у таемным студэнцкім таварыстве філарэтаў.

1824

Паўторна быў арыштаваны. Адпушчаны ў тым жа годзе на парукі, мастак быў вымушаны выехаць у маёнтак князёў Друцкіх-Любецкіх Луніна Пінскага павета Мінскай губерні, дзе вучыў княскіх дзяцей маляванню.

1829

Атрымаў званне доктара філасофіі мастацтваў.

1840-я

Мастак задумвае серыю літаграфій, якую збіраецца выдаць у выглядзе альбомаў. Серыя павінна была складацца з некалькіх дзясяткаў графічных лістоў з выявай найболей характэрных месцаў Беларусі, Літвы і Валыні. Удалося выдаць толькі адзін, першы сшытак альбома (1850) у парыжскай друкарні. У яе ўвайшло шэсць літаграфій.

1839

Жыў у Гродне, дзе выкладаў у прыватнай школе.

1844

Пераехаў працаваць у інстытут у Беластоку.

1863

Памёр у Беластоку (Расійская Імперыя, зараз Польшча).