30 ліпеня Аляксей Кузьміч правёў перформанс пад назвай Renaissance ("Адраджэнне") ля магілы мастака Вінцэнта ван Гога ў горадзе Овер-сюр-Уаз у Францыі. Пад звон будзільніка ён рыдлёўкай раскопваў магілу са словамі: "Мастак, пара ўставаць. Мастак, уставай!" Кузьміча затрымалі і змясцілі ў ізалятар. Суд прызначыў яму штраф 3000 эўра, месяц зняволення і абавязаў пакінуць Францыю. У выпадку адмовы выехаць добраахвотна яго могуць дэпартаваць у Беларусь. Два тыдні зняволены галадаў у знак пратэсту. 21 жніўня ён выйшаў на волю.