У жніўні 2020 года нам здавалася, што ўсё змянілася; людзі на вуліцах змяніліся, а састарэлая дзяржаўная машына развальвалася. У нас не было вады, былі адключэнні, а метро пастаянна ламалася. Гнілая сістэма памірала, усе гэта добра ведалі. Тады я пачаў ствараць архіў прапагандысцкай прэсы, мяркуючы, што гэта апошнія газэты, надрукаваныя рэжымам. Я планаваў прааналізаваць іх пазней. У Беларусі няма незалежных СМІ. Яны спынілі сваё існаванне з прыходам да ўлады Лукашэнкі ў 1994 г. У канцы 1994 г. дэпутат Вярхоўнага Савета Рэспублікі Беларусь Сяргей Антончык выступіў з дакладам аб карупцыі ў асяроддзі прэзідэнта. Рэпартаж не быў апублікаваны, але газеты выходзілі з чыстымі старонкамі, таму што забарона на яго друк была выдадзена ў апошні момант. З гэтага моманту незалежныя СМІ былі альбо ліквідаваныя, альбо перададзеныя пад кантроль уладаў і друкавалі выключна радыкальную прапаганду. Інсталяцыя згадвае пра вывешваньне ўладамі арнаментальных чырвона-зялёных сьцягоў на вуліцах Менску. Дызайн сцяга быў ухвалены падчас сфальсіфікаванага рэферэндуму, які прапанаваў Лукашэнка. Гэта не нацыянальны сцяг, за ім няма ніякай рэальнай ідэі. Гэта сімвал страху. Прапагандысцкая прэса поўная страху, нянавісці і крыўды.