Кірунак у мастацтве, якое ставіць у прыярытэт перадачу канцэпцыі і ідэі з дапамогай мастацкіх магчымасцяў, называецца канцэптуалізм. Канцэптуальны арт-аб'ект выступае ў ролі сродку, уяўляе сабой мастацкі жэст і можа выяўляцца ў выглядзе любога прадмета (фраза, тэкст, схема, графік, чарцёж, фатаграфія, аўдыё і відэаматэрыял) або ў выглядзе любой дакументацыі аб прадмеце, з'яве або працэсу.

Пачаткам дадзенай плыні лічыцца практыка Марсэль Дзюшана, які першым выкарыстаў гатовую рэч у выглядзе твораў мастацтва (ready-made) у суправаджэнні падрабязнага апісання канцэпцыі. Мастак звярнуў сваю ўвагу не на эстэтыку, а на паўнату новымі сэнсамі і значэннямі звыклага аб'екта. А таксама задаў культурнай супольнасці і публіцы пытанне "што ёсць мастацтва?".

У канцэптуалізме на постсавецкай прасторы прасочваецца расчараванне ў ранейшай карціне свету, крытыка сацыяльна-грамадскай асновы, маніфестацыя ўласнага "я", разважанні аб магчымасцях мастацтва, яго межах і кантэкстах. Канцэптуальнае мастацтва садзейнічала пачатку развіцця інсталяцый, прыняццю фатаграфіі і перформансу, як роўнае жывапісу і скульптуры.

Паказ беларускага канцэптуальнага мастацтва пачаўся з выстаў мінскага творчага аб'яднання "Няміга-17". Група імкнулася сваім мастацтвам адыходзіць ад прынцыпаў сацрэалізму і займалася пошукам новай візуальнай мовы. Узмацненне фармальнага метаду мастачкі звязвалі з творчым вызваленнем.

У 1985 годзе ў Мінску была арганізавана выстава-прэзентацыя беларускага канцэптуальнага мастацтва "1+1+1+1+1+1+1". Мастачкі, чые работы былі ўключаны ў паказ: Сяргей Малішэўскі, Андрэй Плясанаў, Людміла Русава, Ігар Кашкурэвіч, Адам Глобус і Уладзіслаў Куфко. Выстава так і не была адкрыта, была забаронена ўладамі, будынак ачэплены.

Некамерцыйная галерэя сучаснага незалежнага мастацтваў "6-я лінія" ў Мінску была найбуйнейшай пляцоўкай эксперыментальнага мастацтва, у тым ліку канцэптуальнага мастацтва, у Беларусі. Першая прадстаўляла беларускаму гледачу новыя формы сучасных мастацкіх практык. За час свайго існавання правяла больш за 50 выставак, мастацкіх акцый і перформансаў.

У дзевяностыя атрымаў свой распаўсюд за мяжой мінскі канцэптуальны фотаздымак. Прадстаўніцы_ніцы: Ігар Саўчанка, Уладзімір Шахлевіч, Галіна Маскалёва і іншыя.

Прадстаўніцы беларускай канцэптуалізму: Уладзімір Цэслер, Сяргей Войчанка, Аляксей Жданаў, Людміла Русава, Тодар Копша, Віктар Пятроў, Віталь Чарнарысаў, Вольга Сазыкіна і арт-групы: “Квадрат”, “Комі-кон”, “Блок”, “Плюраліс”, "Форма", "Галіна".

Канцэптуальнае мастацтва не страціла папулярнасці, а наадварот з'яўляецца базай сучаснага мастацтва. Мастачкі знаходзяць новыя формы і выкарыстоўваюць інавацыйныя матэрыялы, спосабы перадачы ідэі ў творы мастацтва.