Выбраныя даты:

1985

Нарадзіўся ў горадзе Калінкавічы (БССР, сёння Рэспубліка Беларусь).

2007

Скончыў БДУ па спецыяльнасці лінгвіст-перакладчык.

2003-2007

Удзельнік групы AIV (эксперыментальная электроніка).

З 2010

Пачынае працаваць у галіне мультымедыя і саўнд-арта. Першая выстава – сумесная праца з беларускім фатографам Аляксеем Навумчыкам – "Пастфільмія" ў галерэі NOVA (Мінск). У далейшым часта працуе з Навумчыкам у пары, сярод сумесных праектаў "Пашпарт Аб'екта", "Мінсктрансвясна", "Lovestock", і інш.

2013

Выходзіць першы дыджытал праект мастака на пляцоўцы 34mag.net ( "Бiт Менска" , у калабарацыі з Навумчыкам). Пазней на гэтай жа пляцоўцы публікуюцца іншыя яго анлайн-праекты: "Постфільмія", "Гукавы бар'ер", "20:14. Вынiкi году".

2015-2018

Сумесна з Таняй Арцімовіч працуе над праектам аб пераасэнсаванні гарадской гісторыі і палітыцы памяці "Беларусь 4'33. Горад Сонца кропка нуль" . Тэатральныя перформансы і pop-up выставы ў рамках праекта праходзяць на пляцоўках у Мінску (ЦЭХ, Корпус, Студыя 67), Бруселі (BOZAR Centre for Fine Arts), Штутгарце (Akademie Schloss Solitude) і інш.

2016

З'яўляецца адным з куратараў серыі аўдыё-дакументальных праектаў "Іншыя гісторыі" .

2017

Адбылася першая персанальная выстава мастака "Мінулае яшчэ не скончылася, будучыня ўжо не наступіла" ў галерэі сучаснага мастацтва "Ў" (Мінск).