Выбраныя даты:

23 студзеня 1833

Нарадзіўся ў небагатай шляхецкай сям'і ў маёнтку Уборкі Ігуменскага павета Мінскай губерні (Расійская Імперыя, цяпер - Бярэзінскі раён Мінскай вобласці).

Сваю адукацыю мастак пачаў у Брэст-Літоўскім кадэцкім корпусе.

1850

Быў залічаны ў Імператарскую Акадэмію мастацтваў у Санкт-Пецярбургу вольнаслухачом з прызначэннем стыпендыі (па распараджэнні Аляксандра II).

1852—1854

У працэсе праходжання курса быў адзначаны ўзнагародамі: сярэбранымі і залатымі медалямі за свае пейзажы.

1855

Мастак вярнуўся на радзіму. Жыў ва Уборках.

1856

Мастак пазнаёміўся з Паўлам Траццяковым. Ёсць звесткі, што фармуючы свой збор, Траццякоў карыстаўся кансультацыямі Гараўскага.

1858

Мастак адправіўся ў Заходнюю Еўропу праз Прусію, Францыю, Швейцарыю, Італію. Падчас падарожжа ён займаўся ў майстэрнях знакамітых еўрапейскіх жывапісцаў-пейзажыстаў.

1861

Пасля вяртання з паездкі за пейзажы і партрэты, выкананыя падчас пенсіянерства, Апалінарый Гараўскі быў удастоены звання акадэміка жывапісу.

1865—1885

Мастак пасяліўся ў Санкт-Пецярбургу, сумяшчаючы творчасць і педагагічную дзейнасць: выкладаў у Пецярбургскай рысавальнай школе пры Таварыстве заахвочвання мастакоў.

У летнія месяцы Гараўскі ездзіў на радзіму, жыў ва Уборках і Бродцы (цяпер — Бярозаўскі раён Мінскай вобласці), выязджаў на Палессе і ў Пскоўскую губерню, дзе шукаў натхненне для сваіх твораў.

1869

Акадэмія мастацтваў адправіла Гараўскага на тры гады ў падарожжа па Украіне, Беларусі і Цэнтральнай Расіі.

З 1869

Браў удзел у дзейнасці Маскоўскага таварыства аматараў мастацтваў.

З 1874

Выстаўляўся ў санкт-пецярбургскім Таварыстве выставак мастацкіх твораў.

1880

Набыў маёнтак Кірылавічы пад Псковам.

1885—1886

Мастак здзейсніў паездку ў Сібір, наведаў Іркуцк.

28 сакавіка 1900

Мастак памёр у Санкт-Пецярбургу.